Geri qaytarma siyasəti
Son yenilənmə: 8 sentyabr 2026
Plus abunəliyi App Store və Google Play üzərindən satılır. Ödənişi biz qəbul etmirik, ona görə geri qaytarmanı da birbaşa biz edə bilmirik — bunu Apple və Google öz qaydalarına uyğun həyata keçirir. Aşağıda nə etməli olduğun yazılıb.
1. Apple (iPhone / iPad)
Geri qaytarma sorğusunu Apple-a göndərməlisən: reportaproblem.apple.com ünvanına Apple ID-nlə daxil ol, müvafiq alışı seç və səbəbini yaz.
Qərarı Apple verir. Apple adətən son 90 gün ərzindəki alışlara baxır.
2. Google Play (Android)
play.google.com/store/account/subscriptions səhifəsindən və ya Google Play tətbiqindən geri qaytarma tələb edə bilərsən.
İlk 48 saat ərzində geri qaytarma adətən avtomatik təsdiqlənir; sonrakı müraciətlərə Google fərdi baxır.
3. Abunəliyi ləğv etmək
Ləğv etmək geri qaytarma deyil: ləğv etdikdən sonra növbəti ödəniş alınmır, amma Plus artıq ödədiyin dövrün sonunadək aktiv qalır.
iPhone: Parametrlər → Apple ID → Abunəliklər. Android: Google Play → Profil → Ödənişlər və abunəliklər.
Növbəti ödənişin qarşısını almaq üçün dövr bitməzdən ən azı 24 saat əvvəl ləğv et.
4. Xal ilə alınmış Plus
Xal ilə açılan Plus günləri pulla alınmadığı üçün geri qaytarılmır və pula çevrilmir.
5. Səhv ödəniş və texniki problem
Ödəniş etmisənsə, amma Plus aktivləşməyibsə, əvvəlcə tətbiqdə "Alışları bərpa et" düyməsini yoxla. Problem qalarsa, bizə yaz — abunəliyi əl ilə aktivləşdirməyə kömək edək.
Əlaqə: info@bepositive.az. Cavab müddəti adətən 2 iş günüdür.
6. İstehlakçı hüquqları
Yaşadığın ölkənin qanunvericiliyi sənə əlavə geri qaytarma hüququ verirsə, bu siyasət həmin hüquqları məhdudlaşdırmır.